Master the Look لوك كامل، من الصفر للاحتراف.

محتوى الكورس

شو رح تتعلّمي، خطوة بخطوة.

اللوك كله بفيديو واحد، مقسّم على 16 خطوة بنفس ترتيب الشغل. جنب كل خطوة الدقيقة اللي بتبلش فيها بالفيديو.

1. 00:30

   تحضير البشرة

   تونر بقطنة بعيد عن تحت العين، مرطّب طبي بيناسب بشرتك، واقي شمس حتى لو سهرتك مسائية، وبرايمر على المسام ومنطقة الـT.

2. 04:25

   الكحل والدمج تحت العين

   ليش بنبلش بالعيون قبل البشرة، كحل من جوّا العين ونزوله تحت الرموش، دمج بفرشاة صغيرة، وسحبة لبرّا بجرأة.

3. 08:09

   تحضير الجفن

   كونسيلر فوق العين بسفنجة صغيرة، وتثبيته بشوية بودرة لوس بخفة إيد.

4. 09:22

   الآيشادو المتدرّج

   أسود عند جذور الرموش بالطبطبة، بعده الأغمق ثم الأفتح، ولون انتقالي على الجفن كله بيأسّس لكونتور الأنف.

5. 15:16

   الكت كريز والشمر

   هالف كت كريز بالكونسيلر بينظّف بداية العين، ثم الشمر، وهايلايتر بمدمع العين، وجليتر خشن بنص الجفن.

6. 20:24

   مدمع العين

   الخطوة اللي الكل بيسأل عنها. مدمع نظيف بجل لاينر وخطوتين سهلات.

7. 22:36

   تركيب الرموش والمسكرة

   تقويس الرمش وقص أطرافه، غراء شفاف أو أبيض بالبداية، والتثبيت من النهاية للنص للبداية، وبعدها مسكرة.

8. 26:21

   تنظيف وتحديد السحبة

   مناديل مبلّلة بتنظّف أي تساقط تحت العين، وبتحددي السحبة قبل ما تبلشي بالبشرة.

9. 27:01

   الفاونديشن وسر البودر باف

   توزيع بالفرشاة، بيوتي بلندر مع بخاخ فيكس، وسر البودر باف النظيف اللي بيشيل الزوائد وبيطوّل الثبات.

10. 31:24

    الكونتور الكريمي

    خط الكونتور من نص الأذن باتجاه الفم، الفك والجبين، وكونتور أنف نازل من خط الآيشادو. والقرار حسب ملامحك.

11. 37:30

    البلشر الكريمي

    توزيع بالطبطبة عشان ما يبقّع، ودمج على مهلك.

12. 38:46

    الكونسيلر والتنوير

    مصحّح لون للهالات إذا بتحتاجيه، كونسيلر ودرجة أفتح للتنوير، ودمج بالبيوتي بلندر بدون ما يخرب شغل العين.

13. 40:41

    التثبيت والهايلايتر

    بودرة لوس بالضغط مش بالمسح، برونزر وبلشر بودرة فوق الكريمي، وهايلايتر بيلمّع زي الشموسة.

14. 45:56

    الحواجب

    تمشيط ورفع خفيف، رسم بالجل من النص للأطراف، تحديد بالكونسيلر، وهايلايتر تحت الحاجب.

15. 49:26

    الشفايف

    لاينر غامق بأوفر لاين بالنص ومن تحت، روج نود، وقلوس إذا بتحبي.

16. 51:43

    سبراي التثبيت

    اللمسة الأخيرة اللي بتثبّت كل الشغل. وهيك بتكوني عملتي مكياج صالونات، بالبيت.

قبل ما تبلشي

جهّزي أدواتك.

هاي الأدوات المستعملة بالفيديو. أي ماركة عندك بتمشي، والفراشي الناعمة بتختصر عليكِ نص الجهد.

طريقة سميّة

ثلاث قواعد بتمشي معك بكل الكورس.

1. 01

   كل خطوة على العينين سوا

   أي شي بتعمليه على العين اليمين، بتعمليه على اليسار بنفس الوقت، عشان ما تنسي ولا تفصيلة.

2. 02

   الدمج هو كل المكياج

   خدي وقتك بالدمج، وبفرشاة ناعمة. لا فواصل ولا خطوط ماشية بكل اتجاه، منظر واحد متناسق.

3. 03

   اضغطي، لا تمسحي

   بالبودرة والكونسيلر بتطبطبي وبتضغطي، عشان يضل كل الشغل بمكانه ويثبت وقت أطول.